15. juli 2013

...Og litt til om IM 70.3 Haugesund 2013 - kan ikkje få nok :)

Konkurranserapporten min blei lang nok som den blei, og derfor var det ei rekke ting som eg ikkje tok med.
Men det er tid og plass for nå å nevne nokre personlege erfaringar eg har gjort meg på IM 70.3 Haugesund 2013 og tidlegare (desse er ikkje å tolke som universelle tips, men heller personlege erfaringar og noko som eg kan slå opp i neste gong eg skal på konkurranse):
  • når det blir trangt og "slåssing" på svømminga, er det best å kråle - det er stillare med ansiktet under vatn enn over ;)
  • det er faktisk ikkje så ille å sykle i regnet berre ein er kledd godt nok
  • ull er genial ved kjøleg vær også på triatlon om sommaren
  • elastiske skolisser er heilt topp og sparar tid!
Elastiske skolisser er lettvint!
Her foran fint grønt sjøvatn frå Haugesund .
  • ei veke "oppladning" før konkurransen er ikkje nødvendig (med mindre ein har selskap av gode venner)
  • med ein liten rosa triatlonsykkel i størrelse XS får ein mykje hyggelege kommtarar på expoen
Chicqilo'n min på hotellet, klar for ein tur til expo'n.
Der fekk den mange komplimentar :)
  • å føle tærne sine er overvurdert - eg kan godt sykle og løpe i timesvis utan å kjenne føtane mine (eg berre stoler på at dei er der)
  • spis og drikk etter klokka på sykkelen, og ikkje etter matlyst og tørstfølelse
  • det går fint an å sykle utan sykkelbriller når det regnar
  • IRONMAN/M-Dot artiklar er overprisa men ubetaleleg som inspirasjonskilde
Det blei ny hettejakke - min favoritt alt nå! :)
  • det er betre å ha for mange snacks på hotellrommet enn for lite 
  • eit glass rødvin med ein tidlegare 6x Ironman World Champion er god oppladning eit par dagar før konkurransen
  • mine terrengsykkelsko er like gode (og like lette) som dei vanlege sykkelsko, men betre å gå på i skiftesona
  • drikkeflaske på tempostyret fungerar veldig bra
På ramma til XS-sykkelen min er det berre plass til éi flaske.
Men på tempostyret er det fint plass til ei flaske, og det funkar bra!
  • sjølv om ein brukar startnummerbelte, ha eit par sikkerhetsnåler på deg i tilfellet startnummeret løsnar
  • ha med eige næring på sykkelen
  • varme kne er viktigare enn varme føtar på sykling
  • dobbelt styretape er veldig behageleg på fleire timars sykling
Du får ekstra demping og reduksjon av vibrasjon under syklinga med dobbelt styretape.
Kjekt når asfalten er ruglete slik den var enkelte stadar i Haugesund.
  • ikkje prøv å stappe ned ein stor ryggsekk i den kvite skifteposen, det er ikkje posen laga til for
  • vannkokar og pulverkaffe til å ha på hotellrommet er fortsatt fast bestanddel av triatlon-pakkelista
  • vêr saman med folk og venner som inspirerar deg og gir deg energi i forkant av konkurransen
Dave Scott og partner Christine Bell er både kunnskapsrike,
spreke og morsamme, og lett å bli inspirert av!
  • Og ikkje minst:
  • smil til tilskuarane og tilskuarane vil smile til deg! (Ja da, eg veit denne er litt klisjé, men i triatlonverda, ja då stemmar den her faktisk veldig godt. Berre prøv!)
Like før mål! Moro! :)

3 kommentarer:

  1. Her har du virkelig fått med deg en hel del viktige synspunkter og huskeliste til neste år!
    Og det med den sykkelen din, hehe jeg er faktisk også ganske så misunnelig på deg for at du har en sånn. Så jeg kan godt forstå at mange kommenterte den! ;)

    Hmm, mistenker jeg riktig, når jeg antar at du liker rosa veldig godt, eller? Hehe...

    SvarSlett
  2. Ja det er aldri for seint å bli glad i rosa - som lita jente likte eg nemleg best grønt ;)
    Rosa gir ein sånn god kvinneleg energi, og eg blir så glad når eg sit på den sykkelen der. Det finst forresten ei eige nettside om rosa syklar, pinkbikesite.com.
    Mykje inspiration å hente der, og mange kule syklar ;)

    SvarSlett
    Svar
    1. Uuuh, stilig! Takk for tipset :D

      Slett